La produccion

facebook fev

Ua cadena completa de produccion.

Ua cadena completa de produccion audiovisuala en lenga occitana qu’estó apitada entà respóner a tota demanda.

Compausada d’ua equipa de professionaus, Conta’m qu’assegura l’integralitat deus tribalhs tecnics et artistics de las suas produccions, de la negociacion deus drets dinc a la distribucion deu filme (seleccion d’actors, distribucion, adaptacion, enregistrament, montatge, mesclatge stereo e 5.1, animacion, authoring DVD e Blu-Ray, sostitolatge, realizacion de generics, DCP).

L’associacion qu’emplega dinc a trenta cinc personas: comedians, directors artistics, detectaires, caligrafes, tecnicians deu son, autors/adaptators, grafistas, administrators de produccion.

Conta’m qu’assegura tanben la formacion deus tecnicians, comedians e adaptators a las tecnicas especificas deu doblatge. L’objectiu qu’ei de perennizar la professionalizacion d’aquesta activitat de doblatge en lenga regionau.

Formacion deus comedians.

Ueitanta comedians qu’estón formats en dètz ans. Conta’m qu’assegura la formacion deus comedians necessaris a las soas produccions dab Pixel Òc (http://pixeloc.com).

Aquestas formacions que s’adreçan a comedians confirmats qui son tanben locutors excellents.

Véder la video de la formacion

micro-u87-198x300

L’ensemble de las tecnicas ligat au doblatge qu’ei progressivament abordat:

  • Plaçament de la votz, lo micro.
  • Ritme e alet.
  • Los ambients sonòres
  • Aprentissatge deus còdes ligats a l’usatge de la benda ritmografica
  • Tecnicas de la lectura sincròna (espiar triangulaire…)
  • Lo jòc de l’actor cap au doblatge.
  • Exploracion deu capatge vocau de l’actor, modificar la soa votz.

Conta’m que participa a la difusion deus produccions

  • Ajuda a la difusion.
  • Edicion DVD e Blu-Ray.
  • DCP destinada a las salas de cinèma.
  • Supòrts professionaus Bétadigital, ProRes, etc…
  • Formats adaptats au web, difusion en streaming.
  • Aficas cinèma, jaquetas, paperòts.
  • Guida d’acompanhament escolar entà l’espleitacion en classa realizat peu Cap’òc (centre d’animacion pedagogica en occitan).