27 juil 2022

Terminator 2, projeccion a gratis dehòra dijaus 18 d’agost a Pau

Projeccion a gratis dehòra dijaus 18 d’agost a 21H30 dens l’encastre de « Un été au ciné »

Parc de la Villa Ridgway a Pau.

Se per cas qu’avem maishant temps : retrèit au cinema le Méliès (Projeccion a 22h).

Sala 1 (300 plaças). A gratis, dens la limita de las plaças disponiblas.

TERMINATOR 2 : Lo jutjament darrèr

de James Cameron / Etats-Unis / 1991 / 2h15 /  Studiocanal / Version occitana realizada per Conta’m / sostitolatges en francés

Dab Arnold Schwarzenegger, Linda Hamilton, Edward Furlong, Robert Patrick et Michael Biehn.

Tad’aquera version occitana, devath la direccion artistica de Laurenç Labadia.

Adaptacion de David Grosclaude, Laurenç Labadia, Joan-Loís Leveque, Pascal J. Thomas et Silvi Viguier-Pla.

Dab las votz de : Monica Burg, Sami Bourire, Silvan Carrèra, Cecila Chapduelh, Yves Durand, Emile Esquerre, Alban Garròs, Pèir Arnaud Grosclaude-Lapléchère, Violette Labadie, Hélio Labadie, Laurenç Labadie, Delfina Lafon, Philippe Neyrat, Olivier Pijasson, Céline Ricard, Guilhem Surpas, Damien Valero e la participacion amistosa de Jerèmias Obispo

Dètz ans qu’an passat dempuish lo purmèr Terminatòr e lo calvari de Sarah Conor ne hè pas sonque començar : un terminatòr navèth qu’estó enviat peu passat tà suprimir lo son hilh, John Conor, capdau a viéner de la resisténcia deus umans contra las maquinas, mentre que n’ei pas sonqu’un gojat de dètz ans.

Mes Sarah e lo joenòt John ne son pas sols tà har cap ad aquera miaça esvarjanta. Deu son costat, la resisténcia que s’ei organizada tà enviar un aliat vienut eth tanben de l’aviéner, un guerrièr cargat de protegir John a tot hòrt.

La batalha tà l’aviéner que s’engatja…

“Tecnicament perfèit, Terminatòr 2 qu’ei un huèc d’artifici vertadèr d’efèits especiaus qui « clava l’espectator suu son fautulh »” escrivava l’Isabelle Danel dens Télérama. E aqueth filme n’a pas gahat un ahroncilh.

Terminator 2 méliès 2022

[top]