29 jan 2015

Aviada de la virada “Escòlas au cinèma” 2015

La navèra virada Escòlas au cinèma de 2015 qu’a començat dimars passat en Bearn.

 En partenariat dab lo Cap’Òc, lo cinèma Le Luxor d’Auloron Senta Maria, lo cinèma Le Méliès de Pau et lo Conselh Generau deus Pirenèus-Atlantics, Conta’m qu’organiza ua navèra virada de cinèma escolar en lenga occitana.

Augan, lo filme d’animacion Ernèst e Celestina qu’ei estat causit, aqueste que s’avè ganhat lo César de la melhora animacion en 2013.

56  classas que’s son inscrivudas a las projeccions (sia 1172 escolans bilingües deu public e de las Calandretas).

Las projeccions que’s debanan dens detz cinèmas participants a la virada per tot lo Bearn.

Que s’agís d’aufrir aus escolans bilingües ua experiéncia cinematografica de qualitat en lenga occitana (format DCP cinèma numeric, audio surround 5.1).

Ua fica sintetica (Paperòt 15×21) qu’ei distribuida a cada mainat qui participa a las projeccions, ua afica deu filme qu’ei aufrida a cada classa.

Lo Cap’ Òc que produseish tanben materiau pedagogic destinat aus professors qui desiran espleitar lo filme en classa:

Tot sus Ernèst e Celestina dab Lo Cap’Òc

la grise        projo Ernest

[top]