29 mai 2019

Escòlas au cinèma 2019

Escòlas au cinèma que s’i torna !

La navèra virada Escòlas au cinèma de 2019 que començarà lo 3 de junh en Bearn.
Conta’m, en aliança dab Lo Cap’Òc, lo cinèma Le Luxor d’Auloron Senta Maria, lo cinèma Le Méliès de Pau, lo Conselh Departamentau deus Pirenèus-Atlantics e l’OPLO, qu’organiza ua navèra edicion de « Escòlas au cinèma », ua seria de 25 projeccions escolaras en lenga nosta.
Tres filmes que son estat causits segon lo nivèu escolar :

Lo Gruffalò e Lo Pichon Gruffalò entà lo cicle 1.

Lo Gruffalò
Ua murguetòta que’s passeja per ua husta de las escuras. Qu’encontra un reinard, un gahús e ua sèrp qui la tròban plan gostosa. Au torn, que l’invitan a minjar a demoras. Mes la murguetòta, de las rusadas, que pretexta un rendetz-vos dab … Un Gruffalò! Mes fin finau, un Gruffalò, qu’ei aquò?

Lo Pichon Gruffalò
Lo Gruffalò declarèt que cap de gruffalò avià pas lo drech de s’aventurar dins lo bòsc prigond e escur. Una nuèch de vent e de freg, lo pichon Gruffalò ignora las defensas del paire e, corajós, sortís sense bruch dins la nèu amb l’espèr d’encontrar la Granda Meissanta Ratona. Encontra la Sèrp, lo Chòt e lo Rainal, mas de Ratona coma li an contada, pas brica. Vertat qu’existís pas… encara que…

La Grana Corsa deu Hromatge entaus los cicles 2 e 3.

Solan vòl participar a la granda corsa al formatge que va far s’opausar lo sieu vilatge al vilatge vesin, atal farà veire a totes qu’es un vertadièr campion. Va quitament duscas a pariar en secrèt l’ostal ont viu amb Feodòr lo genièc inventor e Ludvig l’Eriç crentós. Solan e sos amics descobriràn lèu qu’ un tropèl d’obstacles e d’adversàris bèls los espèran dins aquela aventura ! Per ganhar la corsa e salvar l’ostal, desfisaràn montanhas, lacs gelats e embauces amb un formatge gigant.

Augan, quasi 1750 eslhèves bilingües d’escòlas e deus collègis, deu public e de las Calandretas, participaràn a las projeccions dinc au 21 de junh.

Las projeccions que’s debanaràn dens dètz cinèmas participants per tot lo Bearn.

Que s’agís d’auherir aus escolans bilingües ua experiéncia cinematografica de qualitat en lenga occitana (format DCP cinèma numeric, audio surround 5.1).

Lo Cap’ Òc que produseish tanben materiau pedagogic destinat aus professors qui desiran espleitar los filmes en classa.

Aqueths tres filmes que son tanben disponibles en DVD.

Promo escòlas 2019

[top]