ESCÒLAS AU CINÈMA 2018 - Conta'm - Doublage audiovisuel
09 juin 2018

ESCÒLAS AU CINÈMA 2018

Escòlas au cinèma que s’i torna !

La navèra virada Escòlas au cinèma de 2018 qu’a començat lo 4 de junh en Bearn.
Conta’m, en aliança dab Lo Cap’Òc, lo cinèma Le Luxor d’Auloron Senta Maria, lo cinèma Le Méliès de Pau, lo Conselh Departamentau deus Pirenèus-Atlantics e l’OPLO, qu’organiza ua navèra edicion de « Escòlas au cinèma », ua seria de 23 projeccions escolaras en lenga nosta.

Dus filmes que son estat causits segon lo nivèu escolar:

Sénher Ram entà lo cicle 1.

Sénher Ram mena una vida plan tranquilla amb Dòna Rameta e lors tres ramilhons dins son ostalon d’arbre. Un matin que corrís coma cada matin, un can l’aganta e jòga amb el coma s’èra una traça de branca. Per Sénher Ram, es la debuta d’una tièra d’aventuras que lo menaràn plan luènh de l’ostal…

Kerity, l’ostal dels contes entaus los cicles 2 e 3.

Natanaël qu’aurà benlèu 7 ans, mes non sap tostemps pas léger… Quan la tanta Alienor lo lega la soa bibliotèca qui contien un milierat de libes, Natanael qu’ei hòrt decebut! Totun, cadun d’aquestes contes que liurarà un secret meravilhós! A nueit caduda los eròis petits, la deliciosa Alicia, la maishanta hada carabòssa, lo tarrible capitani cròc, que sorteishen deus libes.

Augan, quasi 1300 eslhèves bilingües d’escòlas e deus collègis, deu public e de las Calandretas, participan a las projeccions dinc au 11 de junh.

Las projeccions que’s debanan dens dètz cinèmas participants per tot lo Bearn.
Que s’agís d’auherir aus escolans bilingües ua experiéncia cinematografica de qualitat en lenga occitana (format DCP cinèma numeric, audio surround 5.1).

Lo Cap’ Òc que produseish tanben materiau pedagogic destinat aus professors qui desiran espleitar los filmes en classa.

Aqueths dus filmes que son tanben disponibles en DVD.

Promo escòlas 2018

[top]